ابن الجنوب والبواردي وعلي السبيه

وينك يابن الجنوب ما بغيت تعود...هيا من جاء ما ابطى الله يحييك ياخيه

البدع من بواردي=
.=
قطع الزرايا يازميلي بالاحترام=
قبل الحكومة ما تزيل التعديات=
لييش يظهر بيننا من يقصر المرقب=
وتحرق القلب المعنى وقايده=

طيب طيب

الرد:إبن الجنوب

ربح ملكنا حبّ شعبه بالاحترام=
يجيره الله مالخطر والتعدّيات=
إلى دعانا لليمامه وقصر المرقب=
والله لنغدي له بجيش(ن)وقايده=

البدع:علي السبيه=
.=
جبل شدى ما طاحته صدمة الصدام=
النقمه للهين وللاش نقومات=
ماخذت انا من زاد بكري ولا ماء تغلب=
دام الثمر مالت غصونه مع نده=

الرد:

والله لعذّرنا بسيف العرب صدّام=
الرئيس اللي يوم الاضحى شنق ومات=
كانت عروبتنا قويه معه ماتغلب=
واليوم ساحه للجدل والمعانده=

طيب طيب يابن الجنوب انت وعلي السبيه الله يخارجنا منكم مخرج(ن) جميل

البدع من بواردي=
.=
سويت حجز(ن) للمخالف ومنع دام=
ومدحت روس اهل الكرامة وشيميات=
ومهدّي السرعة على موتري ومحاسب=
وعرفت باب(ن) منقّفل وش رصايده=

علي السبية
ابن الجنوب
بواردي
صحت السنتكم شعار كبار بمعنى الكلمة ونتمنى بالفعل أن تكون أطول قارعة في كل المنتديات

طيب ياخيه مدري وين تبغون تنتهون بنا...

الرد:

جنب البحر مقطوع(ن)الماء ومنعدام=
ماكنّ الارض بها حبوس(ن)وشي ميات=
مانشرب الماء إلا من جيوبنا ومحاسب=
من مدّ كفه مادري وش رصا يده=

البدع:علي السبيه=
.=
في الجزيره شي قصور(ن) وشي خيام=
الخيمه تطوى والقصر صار له فيات=
ماقد غدى حى الكرنتينه مثل المغرب=
ولا نقول باريس مثل المعابده=

ياوجه الله ...

الرد:إبن الجنوب

ماضيّعوني شيخ شمّر وشيخ يام=
معي لزهران الف معنى ولهفيات=
ولو بغيت أشدّ بين العصر والمغرب=
ماسرت مابين الخلايق معى بده=

الله يكفينا من الجور طيب طيب

البدع من بواردي=
.=
ما نقسم الرايات واعلامنا الملام=
ونلزم ايد الخير وقت المشرّ فات=
ونقطع الكف الذي بالخطالة مجرّب=
والشرطة والقاضي تقول ابتروا يده=